«Այա Մարիա»-ի հիմնադիր-տնօրեն Անահիտ Հակոբյանի ղեկավարությամբ կենտրոնում իրականացվում եմ հոգեբանական մի շարք ծրագրեր, մասնավորապես`
● Հոգեբանական թրեյնինգներ և սեմինարներ
● Անձնային աճի կինոթրեյնինգներ
● Սթրեսի հաղթահարման թրեյնինգներ
● Հոգեբանական խորհրդատվություն
● Հոգեբանական խորհրդատվության կուրս
● Քոուչ սեսիաներ
● Բիոդինամիկա
«Մարդու մարմինը աստվածային դեղատուն է։ Այնտեղ կարելի է գտնել այն ամենը, ինչ անհրաժեշտ է առողջության և երջանկության համար»։
Էնդրյու Ստիլլ
Մեր օրգանիզմում գործում են հզոր մեխանիզմներ, որոնք ունակ են ինքնավերականգնվելու։ Կարևորն այն է՝ չխանգարել դրանց և ճիշտ ժամանակին աջակցել։
Կրանիոսակրալ բիոդինամիկայի և օստեոպատիայի բուժման գաղտնիքը կայանում է նրանում, որ մասնագետը կարողանում է լսել օրգանիզմի տարբեր համակարգերի ռիթմերը՝ բացահայտելու դիսֆունկցիաներն ու դրանց առաջացման պատճառները։ Դրանից հետո օրգանիզմն ինքն է սկսում ինքնակարգավորվել և վերականգնվել։
Սա նշանակում է, որ մասնագետը տարբեր թեստերի և դիտարկումների միջոցով հայտնաբերում է խափանումներն ու սահմանափակումները, մատնանշում խնդրի աղբյուրը և բիոդինամիկայի միջոցով ստեղծում է բարենպաստ պայմաններ դրա շտկման համար։
Բիոդինամիկան նախ և առաջ երկխոսություն է մարմնի հետ։ Մարմինը ցանկանում է, որ իրեն օգնեն․ այն մեզ ազդանշաններ է ուղարկում ցավի և տհաճ զգացողությունների միջոցով։
Եթե մենք մնում ենք «մանկական» հոգեբանական վիճակում՝ սպասելով, որ ինչ-որ մեկը դրսից պետք է մեզ օգնի, հայտնվում ենք մշտական կախվածության մեջ բժիշկներից։
Սակայն 21-րդ դարում հասուն գիտակցությունը մեզ հնարավորություն է տալիս ինքներս հոգ տանել մեր մարմնի մասին, զարգացնել մեր ներքին զգացողությունը, բացել տեսողությունն ու լսողությունը, կիրառել խորը շնչառական տեխնիկաներ և վստահել մեր մարմնի իմաստությանը։
Այս ամենին մեծապես նպաստում են «Այա Մարիա»-ի դետոքս և ռիթրիթ ծրագրերը, որտեղ դուք կարող եք փորձառել բիոդինամիկան, անձնային աճի հոգեբանական և արտ թերապիաները, մեդիտացիաները, շնչառական վարժանքները, ինչպես նաև վերականգնել կապը բնության հետ և արթնացնել ձեր զգացմունքները։
